Udarako giroa hasi da, eta horrekin batera, bizikleta zaleak pixkanaka pedalei ematen dabiltza leku batetik bestera. Eta bihar, Iskibi kanpina izanen dute topaleku, Iskibi BTT zeharkaldiaren zortzigarren edizioan.
Bi zirkuitu, aukeran
Goizeko 09:00etatik aurrera, bi zirkuitu osatzeko aukera izanen dute txirrindulariek, Iskibi kanpinetik abiatuta. Luzeenak 43 kilometro izanen ditu, 1360 metroko desnibelarekin; eta motzak, aldiz, 30 kilometro eta 1.050 metroko desnibela.
Biek izanen dute zati bat Artikutzako parke naturaletik barrenetik igaroko dena, 12 kilometrokoa, hain zuzen.
Izenematea, aurretik
Parte hartu nahi dutenek, dagoeneko eman dezakete izena www.kirolprobak.com web orriaren bidez; 12 euro ordaindu beharko dituzte federatuek, eta 14 euro, beste guztiek.
Bihar bertan ere, izanen da aukera apuntatzeko, goizeko 08:00etatik aurrera, eta 16 eta 18 euroren truke, hu–rrenez hurren.
Nahiz eta Internet bidez apuntatu, denek pasa beharko dute inskripzio-mahaietik, bukaerako opari zozketan parte hartu ahal izateko.
Bazkaria, opariak...
Zirkuitoan zehar, bi abituallamiento izanen dira, eta bukaeran, luntxa, opari zozketa, dutxak eta bizikletak garbitzeko aukera. Larunbat gaua bertan pasatzeko aukera ere izanen da.