Sei borrokako boxeo belada etzi, kiroldegian

Boxeoa bueltan da Astiga­rra­gan, eta sei borrokako belada prestatu dute ostiral honeta­rako. Kiroldegian izango da, gaueko 22:00etan hasita.
Amateur mailakoak izango dira denak, eta elkarren kon­tra ariko dira, boxeolari hauek: Jon (Paco Bueno gimnasioa) eta Madi (Zumaia); Mohamed (Paco Bueno) eta Mikel (Eibar); Yosua (Paco Bueno) eta Ri­car­do (Anoeta); Aitor (Irun) eta Pablo (Burgos); Ander Altuna (Paco Bueno) eta Omar (Bur­gos); eta Ares (Irun) eta Jesus (Burgos). Hiru minutuko hiru asalto­ta­ra jokatuko dira denak.

Amateur mailako sei borroka izango dira, eta hiru minutuko hiru asaltotara jokatuko da borroka bakoitza.

Sarrerak salgai, kiroldegian eta Paco Bueno gimnasioan
Beladarako sarrerak, dagoe­ne­ko salgai daude, kiroldegian bertan eta Paco Bueno gimna­sioan. Aurrez erosita, 12 euro dira sarrera normala, 17 euro aulkian, eta 10 urte bitarteko haurrek 5 euro.
Egunean bertan takillan erosita, berriz, 15 euro izango dira sarrera normala, eta 20 euro aulkian.