Hernaniko Errugbi Elkarteak ekainaren 8tik 11ra egingo du Garagardo Azoka; aurtengoan, errugbi barneratzaileari protagonismoa emanez. Horregatik, datorren asteartean «kirolaren bitartez aniztasun funtzionala duten pertsonen gizarte inklusiboa aldarrikatzeko» saio berezia egingo da, 17:30etatik 20:30etara Tilosetan. Hainbat kirol erakustaldi ikusi eta probatzeko aukera izango da: pala, handbike, slalom, errugbia...