Lehentasunak jartzea ere, herritarren esku

Hernani Erabaki parte-hartze prozesua bigarren fasean sar­tu­ko da gaur; orain arte egin­da­ko proposamenak lehenes­te­ko lau saio egingo dira gaur­tik ekainaren 11ra bitartean.
Aurreneko saioa gaurkoa izan­go da, 18:00etan udale­txe­an, eta gai hauen inguruan egin diren proposamenen ar­tean jarriko dira lehen­ta­su­nak: Parkeak eta Es­pa­zio Pu­blikoak, Herri Lanak, Zerbitzu Publikoak eta Hiri­gintza.
Hurrengo saioak asteaz­ke­nean, ekainaren 5ean eta ekainaren 7an egingo dira, eta bakoitzean, gai jakin batzuen inguruko proposamenez aritu beharko da.

Ahalik eta herritar gehienen ongizatea, helburu
Saio ireki hauetan parte har­tzea garrantzitsua dela azpi­ma­rratu zuen prozesua dina­mizatzen duen Aztikerreko tek­ni­kariak, joan den astean orain arte jasotako pro­po­sa­me­nen aurkezpena egin zue­ne­an.
Proposamenak leheneste­ra­ko orduan, irizpide batzuk ja­rrai­tuko direla ere azaldu zuen: aurretik inbertsiorik jaso ez izana, ingurumena ba­bes­tea, herritarren egunero­ko­tasuna erraztea, kostu eta onu­raren ar­teko oreka, onu­radun ko­pu­rua, proposamena egiterakoan hain­bat kolektibo inplikatu iza­na, adin jakin batekoei bide­ra­tu­ta egotea (jubilatuei, gaz­te­ei...), behar bereziak dituzten ko­lektiboei erantzutea eta ere­mu bat indartzea (berdin­ta­suna, be­har bereziak...).

Egin diren 500dik gora proposamenen artean gehienak, 130, mugikortasunari lotutakoak izan dira.

500dik gora proposamen
Parte-hartze prozesuaren au­rre­neko fasean 204 lagun edo taldek egin dituzte proposa­me­nak; guztira, 533. Horie­ta­tik 69, auzoz auzo egin diren bederatzi saio irekietan; beste 304, postontzietan; eta beste 160, internet bidez.
Proposamen gehien, 130, mugikortasunari lotutakoak izan dira: aparkalekuei bu­ruz­koak, 20; bide segurtasunari lo­tuak, 28; oinezko bideen ingurukoak, 28; trafikoaren gainekoak, 36; garraio pu­bli­koa­ren bueltakoak, 11; bizi­kle­ten inguruan, 10; eta erre­pideei buruzkoak, 5.
Segidan, proposamen ge­hien jaso dituzten gaiak izan dira: Parke, Plaza eta Espazio Publikak (71); Herri Lanak (57); Hondakinak (47); Jarduera Fisikoa eta Kirolak (46); Iris­garritasuna (26); Inguru­mena (22); Kultura (22); Gizartegintza (8); Argiztapena (8); eta beste hainbat.

Hainbat gai, gaurko saioan
Gaurko saioan lehentasunak jarri beharko dira Parke eta Espazio Publikoen, Herri La­nen, Zerbitzu Publikoen eta Hiri­gintzaren inguruko pro­po­sa­menen artean.
Besteak beste, pro­posa­me­nak egin dira banku gehiago jar­tzeko, tren geltokitik Atzie­ta­sera dijoazten eskailerak be­rri­tzeko, gainbeheran dauden in­dus­trialdeak berpizteko, par­­keetan egurrezko mahai eta eserlekuak jartzeko, edota Atse­gin­degin pareta finko batzuk jar­tze­ko. 

PROPOSAMENAK LEHENESTEKO SAIOAK

-Gaur, 18:00etan udaletxean. Gaiak: Parkeak eta Espazio Publikoak, Herri Lanak, Zerbitzu Publikoak eta Hirigintza.
-Maiatzaren 31n, 18:00etan udaletxean. Gaiak: Ingurumena, Hondakinak, Energia Argiztapena, Herri Segurtasuna eta Jarduera Fisikoa eta Kirola.
-Ekainaren 5ean, 18:00etan Biterin. Gaiak: Haurrak, Nerabeak eta Gazteak, Aisialdia, Kultura, Ondarea eta Musika, Gizartegintza, Bedintasuna, Auzoetako beharrak, Merkataritza, Turismoa eta Komunikazioa.
-Ekainaren 7an, 18:00etan Biterin. Gaiak: Mugikortasuna (Trafikoa, Aparkalekuak, Errepideak, Oinezko Bideak eta Bizikletak) eta Irisgarritasuna.