Erabakitzeko eskubidearen alde, ekainaren 10ean Bilbon egingo den Itun Sozialaren aurkezpena babesteko argazki mosaikoa ateratzeko deia egin du gaur Gure Esku Dagok, 13:00etan Zinkoenean. «Erabakitzeko eskubidearen defentsan, hitzarmen sendo bat» izango da Ituna.
Era berean, ekainaren 10ean Bilbora joateko autobus txartelak ere salduko dituzte, eta baita konpromiso-txartelak ere, Bilboko Euskadi Enparantzatik Plaza Eliptikora bidean irudikatuko den galdera ikur erraldoia osatzeko. Hauek guztiak saltzen segiko dute asteartetik ekainaren 9ra, 17:00etatik 19:15etara, lokalean eta kalean.