bizikletan ibili eta paraje ederrak ezagutzeko aukera emanen du Iskibi kanpinak, azken 8 urteetan antolatzen duen zeharkaldiarekin. Datorren igandean, ekainaren 4an izango da eta dagoeneko aurkeztu dute aurtengo 8. Iskibi Btt zeharkaldia.
Aurtengo ibilbidea lehengo urteko antzekoa izanen da, alegia, Goizueta inguruko mendietatik eta Artikutzako parke naturaletik barrena. Zeharkaldia mendi pista eta xenda ezberdinetatik igaroko da, eta 12 kilometro izanen dira Artikutzako parke naturaletik barrena. Aukera ederra, beraz, Euskal Herriko txoko zoragarri hura ezagutzeko.
Kanpinean doan lo egiteko aukera, larunbatean
Larunbat gauean Iskibi kanpinean doan lo egiteko aukera izanen dute partehartzaileek. Izen-ematea goizeko 08:00etan hasiko da, eta irteera 09:00etan izanen da. Parte-hartzeko bi aukera izanen dira. Internet bidez: 12 euro federatuak eta 14 euro federatu gabe daudenentzat www.kirolprobak.com webgunean izena emanez. Edota egunean bertan: 16 euro federatuak eta 18 euro federatu gabeak. Kaskoa erabiltzea derrigorrezkoa da. Bukaeran, luntxa, opari zozketa, dutxak eta txirrindak garbitzeko aukera ere izanen da.
Parte hartzaile guztiek inskripzio maiatik pasa beharko dute ondoren eginen den opari zozketan parte hatzeko.
Bi zirkuitu izanen dira aukeran: luzeenak 43 kilometro izanen ditu eta 1360 metroko desnibela; eta motzak, berriz, 30km, 1050 metroko desnibelarekin. Ez ahaztu bai irteera eta bukaera Iskibi kanpinetik izanen direla.
Proba egunerako 12 euroko menua prestatu dute, bertan bazkaldu nahi dutenentzat.