Bi kontzerturekin gozatzeko aukera izango da gaurkoan, Hernanin; biak, saxofoia protagonista izango dutenak.
Hernasax, aurrena
Bietan aurrenekoa Hernasax taldeak emango du; 18:30etan Tilosetan.
‘Hernani’ Musika Eskolako ikasleek osatzen dute taldea, eta ikasturte bukaerako kontzertu honetan, Karen Street saxofoi-jole eta konpositore britainiarraren sei obra joko dituzte: All Because of You; Street Collection; Carnival; Petite Sweet; Tango eta Rain Dance.
Ostolaza, goi mailako jazz ikasketak borobiltzen
Aritz Ostolaza Basurto hernaniarrak ere joko du gaurkoan, 20:00etan Milagrosan; sarrerak Biterin daude salgai, 7 euroan.
Ostolaza ere ‘Hernani’ Musika Eskolan ikasia da, baina gaurkoan, goi-mailako jazz saxofoi ikasketa amaierako kontzertua emango du, bateria, kontrabaxua eta pianoa lagun.