Ikasturte bukaera gerturatu ahala, ikasleen kontzertuak gero eta gehiago izaten dira; atzo bertan, bi.
Aurrenekoan, Hernasax saxofoi taldea ikusi eta entzuteko aukera izan zen Tilosetan. Musika Eskolako ikasleek osatutako talde honek Karen Street saxofoijole eta konpositore britainiarraren doinuekin alaitu zuen kalea.
Iluntzeko 20:00etan, berriz, bestelako ikasturte amaiera kontzertu bat izan zen, Milagrosan: Aritz Ostolaza Basurto hernaniarrak goi-mailako saxofoi jazz ikasketak bukatzeko prestatu duen kontzertua jo zuen; tartean, berak egindako abestiak.