Hernaniko alebin eta infantilek gaur Pasaian dute lasterketa mendi bizikletan. 16:30etan hasiko dira eta Transpacarren geratu dira 15:30etan. Bestetik zikloturistek Baliarrainera egingo dute irteera, bihar, 08:00etan, Zinkoeneatik hasita. 61 kilometroko ibilbidea egingo dute. Ekainaren 10ean Piriniotara irteera antolatu du JOCC-ek Autobusez joango dira eta bertan Villanúa, Somport, Escot, Marie Blanque eta Oloronera buelta egingo dute 87 kilometroko ibilbidean. 20 euro da bidaiaren prezioa eta 30 bazkide ez direnentzat. Goizeko 06:00etan daude geratuak anbulategian. Izena eman behar da joan ahal izateko eta eserlekuak izen ematearen arabera esleituko dira.