Ekainaren 4ra arte aukera izango da Agipan, Gipuzkoako Okindegien Elkarteak martxan jarri duen kanpainan parte hartu eta hainbat sari irabazteko.
Primerako Ogia izena du kanpainak, eta Agipan osatzen duten 140 okindegietako 40k hartuko dute parte bertan; tartean, Hernanikoek.
Hainbat sari, zozketan
Kanpaina honen helburua da «establezimendu txikietako ezaugarri nagusietako bat azpimarratzea: produktuaren kalitatea». Ekimen honekin, «kalitatezko ogiaren kontsumoa eta bertan egindako ekoizpena bultzatzen da, eta Gipuzkoako enplegua mantentzen laguntzen da», Agipanen esanetan.
Ekainaren 4ra arte establezumendu hauetan erosten duten bezeroek, aukera izango dute hainbat sariren zozketan sartzeko: Nekaturreko landetxe batean bi egonaldi, astebetez ogia debalde eta kanpainari lotutako diseinu esklusiboa duten 1.025 katiluetako bat.