Hasiak dira Zubietako erraustegia egiteko obrak, eta Erraustegiaren Aurkako Mugimenduak hainbat ekintza antolatu ditu, protestarako.
Hasteko, gaur Errekaldeko Decathlonen jarri dute zita 18:00etan, Barraskilo operazioa, hau da, kotxe karabana martxan jartzeko.
Larunbaterako bazkari txartelak, Hernanin
Bestalde, larunbatean Zubietan antolatu dituzte hainbat ekintza, 11:00etan hasita. Besteak beste, herri bazkaria ere izango da; paella, postrea eta edariak.
Sarrerak salgai jarri ditu Hernanin Zero Zaborrek, Lurrekon eta Onddin; umeek 5 euro, eta helduek 10.
Gainontzean hitzaldiak eta haurrentzako tailerrak izango dira, eta Gipuzkoa Zutikek ere, 12:00etan bi asanblada antolatu ditu eta martxa, 16:00etan.