Elizatxo, Portu eta Osiñagako auzotarrak eta Udala, mugikortasun arazoak konpontzen

Lehengo urteko udaran ba­tzorde bat sortu zen Osiñaga, Elizatxo eta Portuko bizi­la­gunekin eta Udalarekin osa­tua, hiru auzo horietako mu­gi­kor­tasun arazoak kon­pon­tzeko, eta pasa den astelehe­ne­an egin dute aurreneko lan saioa.
Koro Etxeberria Zerbitzue­tako zinegotziak azaldu zuen «bizilagunek eskatuta eta Hernani Erabaki prozesuan atera zelako, Udala neurriak hartzen hasi» zela iaz, baina denen gustukoak izan ez zi­re­nez, bilera hauek anto­latzea adostu zela.

Hiru bilera
Hain zuzen, astelehenekoa izan zen egingo diren hiru bi­le­ra edo lan saiotan au­rre­ne­koa. Etxeberriaren esanetan, «hiru korapilo nagusi» daude: «Elizatxo ikastolaren sarreran sortzen dena, Porturako tu­nelekoa, eta Portu eta Shangai arteko bidea. Segurtasun ara­zo­ak sortzen dira, eta denon ardura da konponbideak bi­la­tzea. Ahulenak, oinezkoak di­ra garrantzitsuena».
Horrela, Udalak kontra­ta­tu­ta GA 21 enpresako mu­gi­kor­ta­sun teknikariak, Marcos Mon­­tes izan zen asteleheneko bileran, eta Dunak enpresako dinamizatzaileek gidatu zuten saioa. Osiñaga, Portu eta Elizatxoko bizilagunak, eta Elizatxo ikastolako ordezkari batzuk bildu ziren, auzoko diagnostikoa egiteko. 
Monte­sek ikuspegi tek­ni­koa eman zuen gero, eta azal­du zuen ekainaren 19ko bi­le­ran pro­po­sa­men zehatzak eka­rri­ko zi­tu­e­la bueltan, bizi­lagunen ekar­pe­nak jasota.
Diagnostiko oso horretan oinarrituta, bigarren saioan proposamenak landu eta au­ke­ra­ke­ta egingo da, eta irai­leko az­ken tailerrean, hiruga­rre­­ne­an, azken emaitzak lan­duko dira.