Goizuetako gasolindegia errealitate bihurtzera dijoaz, eta horretarako obra-lanak direla eta, bilera deitu dute gaurko, bazkideentzat. Eskolako jantokian izanen da batzar nagusia, bi deialditan: aurrenekoa, goizeko 10:45etarako deitu dute, eta bigarrena, goizeko 11:15etarako. Bertan, besteak beste, landuko dira kooperatibaren kontuak eta baita araudia ere. Bazkideek bozkatu beharko dute horiek onartzea edo ez.