Final zortzirenetan hasi dute Hernaniko pelotariek Herriarteko Txapelketa, Donostiaren kontra; baita ederki hasi ere, hiru partiduak irabazita! Kadete eta jubenil mailetako partiduek ez zuten zirrara haundirik eragin, Donostiako bikote titularrak min hartuta zeudenez, ordezkoek jokatu zutelako; 22-4 eta 22-6 irabazi zuen Hernanik. Nagusien mailan, ordea, maila ederra eman zuten denek, eta Ojuel eta Lizeaga izan ziren garaile, 22 eta 15. Orain, bueltakoa geratzen da.