«Sagardotegian hasi eta bukatzen da, benetako txotxa»

«Atsedenaren eta diber­tsi­o­a­ren arteko oreka» errekuperatzeko nahia azaldu dute beste behin Kaxkoko hainbat bizilagunek, bereziki, txotx denboraldiari begira. 
Azken hamar urtetan har­tu diren neurrien errepasoa egin, eta konpromiso gehiago eskatu dituzte. Era berean, herritarren proposamenak eta ekarpenak jasotzeko helbide elektroniko bat jarri dute martxan: kaxkoo­betu@g­mail.com.

«Ezin dugu itxoin»
Lehenago Ion Azpiazu Goñik Kronikako Jasota Bezala atalean argitaratutako iritzi testuarekin bat eginez, bizilagun talde honek 2006az geroztik hartu diren neurriak gogoratu ditu: Udalak egindako publizitate kanpaina, tabernariei emandako ikastaroa, udal­tzain kopurua haunditzea, Uda­la eta tabernarien arteko hitzarmena...
Hitzarmen horri dagokionez, bizilagunek azpimarratu dituzte «urtero haunditzea gaue­tako txandetako udal­tzain ko­purua, igandetan bost garbiketa langile gehiago izatea, eta sa­gardotegietara dijoaztenak ekar­tzen dituzten autobusen­tzako bi aparkaleku egokitu iza­na, Ibai Ondon eta Akarregin».
Horrez gain, gazteen alkohol kontsumoaren bueltan Udalak pasa den hilean ma­rtxan jarritako kanpaina ere aipatu dute.
Hala ere, diote neurriak ez di­rela nahikoak. «Neurriek ez di­­tuzte bizilagunak asetzen. Agi­an asetu direnak dira Kaxk­o bi­zilagun elkarteko zu­zen­da­ri­tza­ko kideak, Berriak elkartea eta Udala; legez, herriaren zain­tza eta kontrolaren arduraduna».
Era berean, gogorarazi dute Orain Hernanik esana: «txotx denboraldian Kaxkoan gerta­tzen dena ez da kultura». Hori guztia medio, adierazi dute: «10 urteren ondoren segitzen dugu esaten sagardotegian hasi eta buka­tzen dela benetako txotxa» eta «bizilagunok ezin dugu itxoin gure gonbidatuak berriro hezi arte, diber­tsioaren eta atsedenaren arteko oreka berreskuratzeko».

Eskaera, batzordea sortzeko
Gaur egun oraindik hainbat lege ez direla betetzen ere sa­latzen dute, eta honek guztiak ondorioak dauzkala; hala nola, «Hernani, Legerik Gabeko Herri bihurtu izana; segurtasun fal­ta; liskarrak; triskan­tzak; Kax­koko etxebizitzek balioa galtzea...».
Horrela, «lo egiten utzi diezagutela» eskatu, eta hainbat proposamen egin dituzte; besteak beste, Kaxko elkarteak gaia lantzeko batzorde bat sortzea edota Udalak ikerketa sozio-ekonomiko bat egin de­za­la. Proposamen gehiago ja­so­tzeko ere prest agertu dira.