Kontzertu berezia izango da ostiralean, Donostiako Egia auzoan dagoen Maria Erregina elizan; Kostkas futbol elkartearen 50 urteak ospatzeko emanaldia.
Bertan hartuko dute parte, 20:00etatik aurrera, 100 musikari inguruk, eta tartean ariko dira, Ozenki abesbatza eta Doinu Zale akordeoi orkestra.
Bestalde, Andoaingo Gora Kale Txiki bandak ere joko du.
Estreinaldia, bukaeran
Kontzertu honetarako Kostkas elkartearentzako ereserkia sortu du Joxe Mari Oiartzabalek, eta hitzak jarri dizkio Joxe Ramon Berrondok; kontzertuaren bukaeran estreinatuko dute.
Hala azaldu zuten aurkezpenean, Oiartzabal eta Berrondok berak; Fernando Poyales, Kostkas elkarteko lehendakariak; Denis Itxaso, kultura diputatuak; Eneko Goia Donostiako alkateak; Imanol Kamio, Doinu Zale eta Ozenkiko zuzendariak; eta Jexux Ibañez, Gora Kale Txikiko zuzendariak.