Bere lanak bikain egin zituen Hernanik atzo, Martuteneren kontra, eta 2-0 nagusitu zen Zubipen, makina bat zaleren animoek eta bultzadak lagunduta. Azkar aurreratu ziren txuri-berdeak, Lander Ibarburuk 13garren minutuan sartutako golarekin; eta penaltiz ziurtatu zuen garaipena Ander Iñurritegik, 66garrenean.
Baina Hernanik bezala, ez zuen huts egin Anaitasuna liderrak ere. 2-1 irabazi zion Beti Gazteri... baina majo sufrituta!
Datorren astean, azkeneko partiduan, huts egingo duen esperantza izan beharko dute hernaniarrek. Hondarribiaren zelaian jokatuko du Hernanik, eta Elgoibarren zelaian ariko da Anaitasuna.
Azkeneko partiduan erabakiko da dena
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!