Beste bi eguneko greba deia, Arcelor-Mittaleko langileek

Iragarritako zazpi greba egu­­netan azkenekoa, ostiralean egin zuten Arcelor-Mittal en­pre­sako langileek. Baina beste bi greba egun ere egingo di­tuzte, datorren astean, ostiralean jakinarazi zutenez. Kontzen­trazioa egin zuten Zinkoenean, eta erreibindikatu zuten «ne­goziazio kolektiborako eskubidea eta langileon duintasuna».
Gogorarazi zuten, 17 hilabete daramazkitela zain, eta 7 egun greban, «oso oinarrizko gauzak eskatzeko: KPIarekin lotutako soldata igoera, eta gure baldintzak benetan beteko direlako bermeak, lan erreformen aurrean. Eskakizun horiek onargarriak dira enpre­sarentzat, multinazional sendoa izateaz gain, Hernaniko lantegian lan karga haundia eta emaitza bikainak lortzen baititu», azaldu dute.
Eta jakinarazi dute, zazpi egun greban egin ondoren, ez dutela zuzendaritzaren berri: «negoziaziorik gabe ezin da akordiorik lortu, eta gu gero eta irmoago gaude borroka honetan. Gatazka konpontzeko bide bakarra negoziazioari ekitea da, eta langileok prest gaude horretarako».