Datorren asteartean, maiatzaren 23an, egingo du urteko batzar nagusia, Dobera Euskara Elkarteak. Biteri kultur etxean izango da, arratsaldeko 19:00etan hasita, eta elkarteko bazkide guztiei luzatu diete gonbitea, batzarrera bertaratu eta parte hartzeko.
Bost puntuko gai ordena zehaztu dute: iazko akta onartzea, Dobera-Kronikako 2016 urteko memoria eta balantzea, 2017ko egitasmoak eta aurre-kontua, Doberako logotipoa, eta bazkideen galdera, proposamen edota aipamenetarako tartea.
Bazkidetza kuota, ekainean
Bestalde, elkarteak jakinarazi du, ekaina hasieran ekingo diola bazkidetza kuota kobratzeari. Horretarako, kontu korrontearen zenbakia eman daiteke, Doberako bulegoan eskura ordaindu, edo ingreso bat egin.