Mugikortasun arazoak antzeman dituzte Portu eta Elizatxo auzoetan, eta horiei soluzioa eman nahian, prozesua abiatu du Udalak.
Hori horrela, mugikortasuna aztertzeko saioa deitu dute gaur, Elizatxo, Portu eta Osiñaga auzoetako bizilagunekin. Arratsaldeko 18:00etan izango da, Elizatxo ikastolan. Egoeraren azterketa egingo dute bertan, eta azken helburua da, ibilgailuen eta oinezkoen arteko elkarbizitza hobetzea.
Gaurko saioaren ondoren, proposamenak bilduko dituzte ekainaren 19ra arte; eta horiek aztertuta, udaratik bueltan erabakiko dute zer egin.