Aimar Olasagastik emaitza ona lortu zuen pasa den astean Gipuzkoako Eskolarteko Txapelketan alebin mailan. Astigartarrak 14garren amaitu zuen Gipuzkoako alebin hoberenen artean Ataungo lasterketan. Tasio Semperena ere finalerako sailkatu zen eta azkenean 32garren postuan amaitu zuen. Eneko Olveira eta Eneko Indok ere parte hartu zuten, baina ez zuten finalerako sailkatzea lortu.
Kadete mailan, Abadiñon, Telmo Semperenak zorte txarra eduki zuen. Ihes eginda zegoenean bidez nahastu zuten biribilgune batean eta lasterketa haserre amaitu zuen aurreko postuetan lehiatzeko aukerarik gabe.
Asteburu honetan Ataun-Aia Sarian eta Errenterian
Hala ere arantza ateratzeko aukera izango du Telmok asteburu honetan. Bihar, 16:30etatik aurrera, VII. Ataun-Aia Saria korrituko dute kadeteek. Aia auzoan amaituko da igoera gogor batean.
Alebin eta infantilek berriz Errenterian dute zita gaur, 16:30etan, ibilbide berri batean. Antolatzaileek Gamon Zumardiaren inguruan antolatu dute zirkuito berritu eta hobeago bat.