31garren edizioa izango du gaur hasiko dena, Hernaniko Txalaparta Festak. Biharkoa izango da egun haundia, makina bat emanaldirekin. Baina horren preludio gisa, kontzertua eskainiko du gaur, arratsaldeko 19:30etan hasita Biterin, Kimu txalaparta taldeak.
Bere disko berria aurkeztuko du talde gipuzkoarrak, aurtengo Txalaparta Festari aurreneko ttakunak jartzeko.
Eguerditik gauera, bihar
Eguerdiko 12:00etan hasiko dira txalaparta hotsak, bihar, saio libreekin. Eta herri bazkariaren ondoren, egingo diote bidea jaialdi nagusiari, Tilosetan: Euskal Herri osoko txalapartariak igoko dira kioskora. Txalaparta Party Apartarekin bukatuko da festa, Atxurren, DJ Barruren eskutik.
31. TXALAPARTA FESTA
GAUR, ostirala
19:30, Kimu txalaparta taldearen kontzertua, Biterin.
BIHAR, larunbata
Tilosetan
12:00, Txalaparta saio libreak. ‘Hernani’ Musika Eskolako alboka, dultzaina, trikitixa eta txistu taldeak, kale bueltan ibiliko dira.
14:30, Herri bazkaria (txartela aldez aurretik erreserbatzea komeni da: aitorbeltran@yahoo.es edo soinuenea@soinuenea.eus. 16 euro dira).
17:00, Txalaparta Jaialdi Nagusia: Hernaniko Bertso Eskolako bertsolariak, Saustako Zuaznabartarrak, Erbetegi-Etxeberriko Goikoetxeatarrak, Gipuzkoatik Kimu taldea, Bizkaiatik Ttakuntto txalaparta taldea, Arabatik Gasteizko Udal Folklore Eskolako txalaparta taldea, eta Nafarroatik Iruñeko Ortzadar folklore elkartea.
23:00, Txalaparta Party Aparta, DJ Barruren eskutik. Atxur tabernan.