Floridara ere iritsi dira Eduardo Chillidaren lanak. Artista hernaniarraren obra da protagonista, Estatu Batuetako St. Petersburg hiriko Dalí museoko erakusketan: Memory, Mind, Matter. The Sculpture of Eduardo Chillida. Joan den larunbatean inauguratu zuten, eta irailaren 24ra bitarte egongo da ikusgai, bertan. Chillidaren 16 eskultura, paperezko 20 obra, eta lau liburu daude, besteak beste, erakusketan.
Chillidaren obrak Estatu Batuetan egingo duen egonaldi honek, jarraipena izango du 2018an ere. Izan ere, datorren urteko otsailean, Dallas hiriko The Meadows Museum museoan jarriko dute.