Bost eguneko egonaldia Bormion, Erasmus programaren topaketan

Erasmus+ programaren ba­rru­an, bigarren topaketa egin du Hernani Institutuko ikasle talde batek. Martxoan Herna­nin izan baziren Italia, Ingla­terra, Finlandia eta Erru­maniako ikasleak, oraingoan Bormion elkartu dira denak, Italiako iparraldean, Alpeen magalean, bost eguneko egonaldia egiteko.
Bertako ikasleen etxeetan egon dira hernaniarrak, eta lau herrialdeetako ikasleekin batera, burutu dituzte hainbat ekitaldi kultural, pedagogiko eta ludiko. Horrela, aukera izan dute «bertako ohituraz, gastro­nomiaz eta jakituriaz» goza­tzeko, eta baita «inguru men­ditsu bezain zoragarriaz» ere. Kontatu dutenez, etekina atera diote «horrelako ekimen aberatsari», eta pozik bueltatu dira.
Hurrengo topaketa, Finlan­diako Riihimaki herrian izango dute, urriaren 4tik 9ra.