Osteguneroko feriak, nobedade bat izango du aste honetan. Kale antzerkia izango da ferian bertan, Gipuzkoako Itxaropen Telefonoaren eskutik, eta Hernaniko Udalaren babesarekin. Ordubeteko saioa da eskainiko dutena, goizeko 11:30etatik 12:30etara.
Helburua da, hain zuzen ere, ezagutzera ematea Itxaropen Telefonoaren zerbitzuak, modu atseginean eta jolasen bitartez.
Itxaropen Telefonoak, herritar guztiei eskaintzen die zerbitzua, «anonimoa, doakoa, apolitikoa, isilpekoa eta akonfesionala». Hauxe da telefono zenbakia: 900 840 845.