Atzo egin zituzten aurreneko probak, Sagastialdeko atletismo pistan, Eternal Runningaren festan. Sprint proba eta gauekoa izan ziren atzo, baina oraindik asko dago jokatzeko!
Beste lau proba izango dira asteburuan: Supersprint, haurrena eta bikoteena gaur, eta Eternal Running proba nagusia, bihar.
Denontzat gimnasioaren barruan egingo dute aurrenekoa, Supersprinta, 10:00etan hasita. Kanporaketa bidez jokatuko da, final haundira arte.
Haurrena, berriz, arratsaldeko 16:00etan izango da, eta kilometro bateko ibilbidea osatuko dute txikienek, 25 obstakulurekin. Eta eguna bukatzeko, 19:00etan egingo dute bikoteena: 5 kilometro, eta 40 obstakulo gainditu behar.
Proba nagusia, bihar
Eta bihar goizean izango da, azkenik, asteburuko proba nagusia, Eternal Runninga. Goizeko 11:00etan hasita, 10 kilometroko ibilbidea izango dute, 80 obstakulorekin. Mozorrorik ere ez da faltako!