Denboraldi hasiera pattal xamar joan bazaie ere, Mundarroko jokalariek jakin dute burua altxatzen, eta sailkapen tablako erdialdean finkatuta iritsi dira Liga bukaerara.
Hain zuzen, gaur jokatuko dute azken partidua, arratsaldeko 17:30etan hasita, Zarkumendegiko zelaian, Roteta taldekoen kontra.
Goraxeago bukatzeko aukera paregabea
Azken bi partiduak irabazteak hauspo ederra eman die moreei, eta gaurkoan ere, hiru puntuak etxean gordetzeko asmotan aterako dira lehiara. Aukerarik ez dute faltako, gainera.
Izan ere, Roteta azkenaurreko postuan dago sailkapenean, eta futbolean sorpresak beti izaten badira ere, etxekoen babesak seguru lagundu egingo diela, astigartarrei. Zazpigarren postura ere igo litezke.