Maiatzaren 3an egin zen aurreneko Ongi Etorri saioa; Astigarragara bizitzera etortzen direnen integrazioa errazteko helburuarekin sortua.
EH Bilduk nabarmendu du «herriko biztanleriaren hazkunde bortitza ikusita, EH Bilduk aurreko legealdian harrera protokoloaren diseinua abian jarri» zuela, eta «EAJ oso konbentzituta ez» dela egon. Hala ere, «hala-nola, eutsi dio ekimenari», baina Bilduren ustez, «hanka-motz jaio dira Ongi Etorri saioak».
«EH Bildu baztertua izan da»
Harrera protokolo honen helburua da, EH Bilduren esanetan, «Astigarragara bizitzera etortzen diren guztiei (izan gipuzkoar, espainiar, europar edo beste edonongoa), herriaren inguruko informazio praktikoa ematea, astigartarron ohiturak eta herrian eskaintzen diren zerbitzuak lehenengo egunetik ezagutu ditzaten».
Horri lotuta, Bilduk azpimarratu du hasieratik izan duela interesa, ekimen honetan parte hartzeko, «2015eko azaroan eta 2016ko otsailean egindako eskaera ofizial eta ez ofizialak erakusten duten moduan», baina «baztertua» izan dela dio. «Oposizioko alderdien parte-hartzeari ateak itxi zaizkio. Gardentasun falta erabatekoa izan da, oposizioak honen inguruan galdetu arren, azken unera arte ez du informaziorik izan (...). EH Bilduk ezin izan du ekarpenik egin».
Hori guztiagatik, «Ongi Etorri saioak hanka-motz jaio» direla dio alderdiak. Era beran, «azken lau hilabeteetan erroldatu direnei bakarrik gonbitea egitea hutsegite garrantzitsua» dela uste du; «azken urteetan herrian ia 2.000 pertsona gehiago bizitzen ari direnean».
«Azken lau hilabeteetan erroldatu direnei bakarrik gonbitea egitea, hutsegite garrantzitsua dela uste dugu»
«Trensa interesgarria»
Hala eta guztiz ere, EH Bilduk dio, «ardurari leial, Ongi Etorri saioen aldeko apustua egiten jarraitzen» duela, eta bultzatuko dituela, «herri egiteko, herritarren integraziorako eta Astigarraga lo-herrian bilaka ez dadin tresna interesgarria eta behar-beharrezkoa dela sinesten» duelako.