zikuñagako paper-fabrikaren etorkizunera begira, berri garrantzitsua eskaini du Iberpapel taldeak: 180 milloiko inbertsioa egingo du Hernani Proiektua martxan jartzeko.
Hala erabaki zuen, hain zuzen, Iberpapel Taldearen administrazio kontseiluak apirilaren 25ean egindako bileran.
Hainbat aldaketa
Datozen 24 eta 30 hilabete bitartean martxan jarriko den Hernani Proiektuak hainbat aldaketa eragingo ditu, baina batez ere, bat aipatu du Iberpapelek: «yankee zilindro-lehorgailua duen makina jarriko da biltzeko paper malgua egin ahal izateko». Aurreikuspenen arabera, «urtean 85.000 tona ekoitzi ahal izango dira».
Horrez gain, beste berrikuntza batzuk ere egingo dira: zelulosaren solairua erreformatu eta modernizatuko da, eta horrekin, berrikuntza teknologikoak eta ingurugirokoak jarriko dira. Horrek eragingo du «solairu horren ekoizteko ahalmenak gora egitea %15 eta %20 artean».