Hamaika ibilgailuk jo zuten elkar atzo, arratsaldeko 19:00ak aldera, A-15 errepidean, Hernani parean, Zikuñagako irteerara iristen. Istripu larria izan zen, eta tartean ziren bi trailer (bat guraizea eginda) eta anbulantzia bat ere. Beste kotxe bat iraulita geratu zen, eta furgoneta bat, atzeko kaja erabat txikitua zuela.
Bost lagun, ospitalera
Bost lagun eraman zituzten ospitalera, baina inor ez zegoen larri, bertan zeuden ertzainek azaldu zutenez. Hildakorik ere ez zen izan.