Aurtengo San Joan Jaien antolaketa aurrera dijoa, eta dagoeneko aukeratu da kartelaren irudia. Amaia Zabalegi Oyarbidek egina da, eta herritarren botoei esker lortu du lehiaketako irabazlea izatea.
775 boto, denera
Apirilaren 26tik pasa den maiatzaren 4ra arte herritarren botoak jaso ondoren erabaki da Zabalegiren lana izango dela aurtengo jaien irudia, Jai Batzordeak aukeran jarri zituen lau proposamenen artean.
Bi aste hauetan zehar, 775 herritarrek eman dute botoa, horietatik 334ek aukeratu dute, irabazlearena.
Botoa emateko jarritako bideetatik, %87ak online bozkatu zuen, eta %13ak, gainerakoak, Biterin eman zuen botoa, papertxoen bidez.
Bederatzi kartel, hasieran
Kartel lehiaketaren irabazlea herritarren esku uzten den aurreneko aldia da. Aurreneko fasean, bederatzi kartel aurkeztu ziren, eta horietatik, lau aukeratu zituen Jai Batzordeak, herritarrek bozkatu zezaten. Lau horietan artean izan da aukeratua, beraz, Amaia Zabalegi Oyarbide hernaniarraren lana.