Markina menderatuta, final laurdenetan da Hernani

Final laurdenetan da Hernani, Berria Txapelketan, atzo Mar­ki­­naren kontra nagusitu ondo­ren (2-1). Seniorren eta kadeteen partiduak irabazi zituzten hernaniarrek, eta bere aurreneko koxka gainditu zu­ten, kluben arteko txapelketa garrantzitsuenean.
Alderantzizko ordenean jo­katu zituzten partiduak atzo, eta seniorrak izan ziren kan­txan aurrenekoak, lanera joan beharra zeukalako markinar batek. Eta partidu hori klabea izango zela jakinda, ezin ho­be­­to erantzun zuten Paul Ojue­lek eta Eneko Aizpitartek (22-17).
Partidu hori poltsikoan, pronostikoak betetzea behar zuen Hernanik, eta hala izan zen. Aukerarik ez zuten izan Garikoitz Arizmendik eta Ekaitz Insaustik, jubeniletan, Euskal Herriko txapeldunen kontra, eta 5-22 galdu zuten. Baina kontrakoa gertatu zen kadeteetan: faborito ziren Garmendia eta Oihan Zugasti, eta erraz nagusitu ziren (22-3).
Orain, ekainaren 4a izango dute final laurdenetakoa.