Tarifa berezia izango dute aurrerantzean, irabazi asmorik gabeko elkarte eta taldeek, Kronikan publizitatea jartzeko garaian. Izan ere, %50eko deskontua aplikatuko die Kronikak, papereko eta www.kronika.eus webguneko publizitatean.
Izan ere, Kronika konturatu da, ez direla asko publizitatea kontratatzen duten elkarte eta taldeak; besteak beste, beraien aurrekontuarentzat tarifak garestiak direlako. Horregatik, taldeen komunikazio beharretara egokitzea ezinbestekoa ikusten du Kronikak, eta beraz, haien jarduera komertzialki ere laguntzeko, pauso bat gehiago eman du.
Elkarteek ziurtatu beharko dute, irabazi asmorik gabekoak direla; eta parte hartu beharko dute agenda bateratuan.
Irabazi asmorik gabekoa, eta agenda bateratuko partaide
Esan bezala, %50eko deskontua aplikatuko die tarifan, papereko modulokako publizitatean, publierreportajeetan, eta interneteko publizitatean.
Deskontua izateko, elkarteek ziurtatu beharko dute irabazi asmorik gabekoak direla, agiri baten bitartez.
Eta beste baldintza izango da, www.kronika.eus webguneko agenda bateratuan parte hartzea. Bertan jakinarazi ahal izango dituzte elkarte eta taldeek, antolatzen dituzten ekitaldiak, bilerak, festak, hitzaldiak, emanaldiak...
Elkarlana sustatzea, helburu
Izan ere, harreman komertzialetik harago, elkarlana ere sustatu nahi du Kronikak, eskaintza honekin.
Jakina baita, herritarrekin eta herritarrentzat egiten dela Kronika, eta elkarlan hori funtsezkoa dela eguneroko jardunean, egunero egunero izango diren ekintzak zabaldu eta gertatutakoen berri emateko.
Modu berean, ekonomikoki laguntzeaz gain, eskaintza horren bitartez beste laguntza bat ere eman diezaieke Kronikak, talde eta elkarteei; estrategia komertzialak zehaztu eta planifikatzekoa, hain justu