Gaur iritsiko dira Sant Celoni herriko musika eskolako kideak, Hernanira. Martxoan izan ziren Kataluniako herrian, ‘Hernani’ Musika Eskolako hainbat talde, elkartrukea eginez, eta bisita bueltatuko diete haiek, asteburu honetan: «beraien harrera ezin hobea izan zen, eta espero dugu gure aldetik berdina izatea, asteburu honetan beraiek etortzen direnean», azaldu dute musika eskolatik.
Kalejira bihar eguerdian, eta kontzertua arratsaldean
Gaur arratsaldeko 19:00etan egingo diete ongietorria, udaletxean. Eta biharkoa izango dute egun haundia: eguerdiko 13:00etan hasita, kalejira bat egingo dute herrian zehar, guztiek elkarrekin.
Eta arratsaldean eskainiko dute kontzertua, bi musika eskoletako musikariek, Milagrosako kaperan. Arratsaldeko 17:30etan izango da.