Hernani hartuko du, hurrengo asteburuan, Eternal Running mundu osoko zirkuituak; eta ez da nolanahikoa izango, gainera. Estatuan aurrenekoz, sei proba egingo dituzte asteburu berean: ostiralean Sprint (kilometro bat, 40 obstakulo), eta Gauekoa (5 kilometro, 40 obstakulo); larunbatean Supersprint, Kids (haurrentzako, kilometro bat, 25 obstakulo) eta Bikote Mixtoak (5 kilometro, 40 obstakulo); eta igandean, proba nagusia, Eternal Running (10 kilometro, 80 obstakulo).
Izenemateak, zabalik
Sei probetarako, dagoeneko zabalik dago izena emateko epea. Bi bide daude aukeran: www.eternalrunninginvencible.com web orrian, edo Denontzat gimnasioan (Florida 110).
Nabarmendu dute, guztientzako moduko probak direla, oso dibertigarriak. Partehartzaile asko, gainera, mozorrotuta joaten dira, mozorro onenak ere saria izaten baitu!