LGTBQI fobiaren kontrako eguna izango da maiatzaren 17a, eta Hernanin ere ospatuko dute aurten. Hainbat herritar ari dira lanean, horren bueltan aldarrikapenez betetako astea antolatzen. Hori horrela, maiatzaren 15etik 20ra ekintza desberdinak izango dira Kontrakantxa gaztetxean: tailerrak, zineforuma, mural margoketa, poteoa, festa... Eta manifestazioa ere egingo dute herrian zehar, maiatzaren 17an.
Bilera, Tilosetako kioskoan
Eta guztia prestatzeko, bilera irekia egingo dute gaur, Tilosetako kioskoan, 20:00etan.
Azaltzeko deia luzatu diete herritar eta eragileei, ezinbestekoa ikusten baitute gaiarekin sentsibilizatuta daudenek parte hartzea.