‘Piano-jolea’ filmarekin bigarren zita, euskerazko zineaz gozatzeko

Aurreko ostegunean jarri zi­tu­en martxan Zinea euskaraz! saioak, Dobera Euskara Elkar­teak. 50 bat lagun elkartu ziren estreinakoan, Ikusi arte filmaz gozatzeko. Eta beraiek aukera­tu­ta, Piano-jolea (El Pianista) pelikula ezaguna jarriko dute etzi, ostegunean, arratsaldeko 17:00etan hasita. Bigarren hau ere, debalde izango da.
Ro­man Polanskik zuzen­du­tako filma da, eta bi ordu eta erdiko iraupena dauka. Piano-jole ju­du­tar bat da prota­go­nis­ta; Var­so­vian bizi da, 1939an Alemaniak hiria hartzen due­ne­an, baina deportazioa saihes­­tea lortuko du. Hala ere, ezku­tuan eta arriskuz beteta bizi beharko du denbora luzez...