Ezin hobeto borobildu, asteburua. Palista hernaniarrek irabazi beharreko guztia irabazi dute, GRAVNIan, eta bestelako txapelketetan. Guztira, lau txapela ekarri dituzte.
GRAVNIan, hiru txapela
Hiru txapela GRAVNI txapelketan lortu dituzte.
Maider Huizi eta Amaia Araiztegik 30-22 irabazi dute trinketean, 22 urtez azpikoan, Iparralderen kontra. Frontoian, nagusietan, berriz, Amaia Irazustabarrena eta Maider Mendizabalek 30-28 irabazi dute Arabaren kontra, ederki kostata, 90 minutuko lehian. Eta paleta goman, 22 urtez azpikoan, Realean aritzen diren bi hernaniarrek, Mikel Manterolak eta Ander Arandiak 25 eta 18 irabazi diote Bizkaiari.
Baita Oiartzungo Txapela ere
Bestalde, Endika Ramos eta Aiheko Zubimendik 25-19 irabazi dute, Oiartzungo Txapelketako aurreneko mailan.