Joan den astean Ereñotzun izan zen Gipuzkoako Kopako tiraldia, eta Ur Miako Leandro Minerrek 5garren egin zuen, 48 brilarekin. Baina sailkapen orokorrean Miguel Burugain, Elur Txorikoa dijoa ondoen; 139 brilarekin, bigarrena da. Ur Miako Ibon Miner, berriz, 11garren dijoa, 134 brilarekin.
Emakumetan, bestalde, Elur Txoriko Rosa Mari Santos aurrenekoa da, 128 brilarekin.
Erregularitate txapelketari begiratuta, emakumetan, Santos bigarrena da, 557 brila botata, eta orokorrean, Ibon Miner 7garrena, 615 brilarekin.
Tokan, aurrenekoz
Bestalde, aurten aurreneko aldiz toka txapelketa ere jokatu da bola txapelketa jokatu den egun batzuetan, eta Ereñotzun ere izan ziren tiraldiak.
Eguneko tiraldian, Leandro Miner, Ur Miakoa izan zen onena, 10 joaldi eginda. Tolosa, Zarautz, Astigarraga eta Segura geratu ziren aurretik, eta berdin gertatu da sailkapen orokorrean ere, 8 tiraldi kontuan hartuta. Aipatutako aurreneko hirurak daude podiumean, eta Leandro Miner 7garrena da, 11 joaldirekin.
Gaur bolan, Idiazabalen
Gipuzkoako Kopak, bolan, aurrera segitzen du, eta gaurkoa dute laugarren tiraldia.
Honako hau Idiazabalen jokatuko da.