Beste modu batera, baina gaur egun ere, egiten da Atsolorra Ereñotzun, jaiotako umeei ongietorria egiteko. Haur hauek dira Ereñotzuko etorkizuna, eta denen artean zaintzeko ardura hartzen dute bertakoek, nolabait, Atsolorrarekin.
Gaurkoan, 2016an jaiotako sei umeei egingo diete ongietorria, 17:30etan Auzo Etxean hasiko den festarekin.
Aurrena, abesti ezagunak kantatuko dituzte, Idoia Arriola eta Kistiñe Solanoren txalaparta hotsak lagunduta. Segidan, Bizimodua Auzolanian bideoa proiektatuko dute. Eta bukatzeko, merienda ederra izango da, gixatu eta arroz esnearekin.