Jubilatu Etxearen 10garren urteurrenaren barruan antolatutako ekintzen bueltan, beste kontzertu bat prestatu du Goiz Eguzki abesbatzak, gaurko.
Oraingoan, Goiz Eguzkik Bergarako San Joxepeko abesbatza izango du lagun; honek, 25 urte betetzen ditu. Goiz Eguzkin kantatuko dute; 19:00etan.
Doinu ezagunak
Kontzertuari hasiera San Joxepeko abesbatzak emango dio. Zazpi kantu abestuko dituzte; guztiak, ezagunak: Txoria Txori, Munduko bideak, La Bella Lola, Erribera, Sagarraren, Ilunabarra eta Kantuz.
Segidan beste zazpi kanturekin jarraituko du Goiz Eguzkik: Maite, A ti, Itsasoa, Alma Llanera, Angelitos Negros, Mira que eres linda eta Azken Dantza.
Eta denek elkarrekin bukatuko dute, Euskal Herriko eta Agur Jaunak abestuta.
Festa eguna, astelehena
Bestalde, Maiatzaren 1a jai eguna izango dute Goiz Eguzkin. Goizeko 11:00etan, Kaleko jolasen eta karta jokuen txapelketetako sariak banatuko dituzte. Era berean, bazkideek egindako eskulanen erakusketa ikusi ahal izango da, eta bukatzeko, luntxa izango da.