Ezpel silbestreei nahiz landatutakoei eragiten die Cydalima perspectalis tximeletaren arrak. Jatorriz asiarra da, baina 2007an iritsi zen Europara, eta 2014an iberiar penintsulara.
Hernanin lehengo urtean sumatu zituzten aurreneko aztarnak, baina «aurten ikaragarrizko indarrarekin nabarmentzen» ari dela jakinarazi du Udalak; adibidez, Politena parkean.
Udal lorezaintza zerbitzua hasi da ar honen kontrako tratamendua aplikatzen.
Ezpelak dauzkaten
herritarrei, gomendioa
Era berean, Udalak azpimarratu du ez kezkatzeko; «larbak ez dira arriskutsuak, ez pertsonentzat ez animalientzat». Baina ezpelari gogor eragiten dio. «Defoliazio larriak eragiten dizkie, fotosintesia mugatzeraino, eta kortexera iritsiz gero, heriotza ere eragin dezakete».
Horregatik, beren lurretan ezpela duten herritarrei gomendatu die Bacillus thuringiensis kurstaki intsektizida biologikoa aplikatzeko.