Eskualdeko matrikulazio datuen aletzea

Euskarazko heziketaren aldeko apustua egiten duten erakundeen aldetik, aztertu beharreko fenomenoa da Lanbide Heziketako maila ezberdinetan hizkuntza ere­du bakoitzean garatzen ari den fenomenoa. DBHn eta Batxilergoan D eredua nagusi den mo­duan, Erdi mailako eta Goi mailako zikloetan A ereduak pisu handia izaten jarraitzen du. 2015-2016 ikasturtetik aurrera tarteko eredu den B eredua ofiziala izaten hasi zenetik, go­runzko igoera pairatzen ari da. Baina bitxia ba­dirudi ere, igoera hori euskara hutsezko D ereduaren eskaintzaren kontura gertatzen ari da. Esan nahi baita D ereduan matrikulatutako ikasle kopurua jaisten ari dela B eredua ezarri denetik. Helbu­rua ikasleak A eredutik B eredura erakartzea bazen ere, oraingoz kon­trako efektua gertatzen ari da. Ondoko taulan ondotxo ikusten denez, A ereduak ez baitu jaitsierarik pairatu. Are gehiago, izan duen aldaketa gorunzkoa izan da. Zalantzarik gabe, hezkuntza eta euskara arloko eragileek ondo aztertu beharreko fenomenoa da. Oraindik ere A ereduak pisu handia dauka es­ku­aldeko Lanbide Hezi­keta zikloetan. Goi mailakoetan, gaur gaurkoz, ikasleek gehien aukeratzen duten eredua da. Eta Erdi mailan, bigarren aukera da.