Duela 25 urte antzeztu zuten obra, Trabuko, berreskuratuko dute Goizuetako herritarrek. Uztailaren 1ean eskainiko dute bertsio berritua, «optika berriarekin eta lengoaia eszeniko garaikidearekin», aurreratu dute.
Nafarroako Gobernuaren Landarte programaren barruan dago ekimena, eta hori prestatzeko, Goizuetan bada... tailerra eginen dute (izen hori izanen du antzezlan berrituak), Olatz Beobideren eskutik. Dagoeneko egin dute aurreneko bilera, joan den asteazkenean, talde lanak osatzeko.