Maiatzaren 1a, Langileen Nazioarteko Eguna dela-eta, bi deialdiren berri eman du Hernaniko Ernaik, gaurko eta biharko.
Hasteko, gaur arratsaldeko 19:00etan Kontrakantxa Gaztetxean jarri du zita, Lan Eskubideen Gida aurkezteko. Ernairekin batean ariko da LAB sindikatua ere.
Sindikatuek asanbalda, bihar
Bestalde, biharkoa Lan Osasun eta Segurtasunaren eguna izango da, eta horren harira, asanblada deitu dute sindikatuek bat eginik, 18:30etan plazan. Prekarietatea izango da gai nagusia; «lan munduaren gaixotasuna». Bertan izango dira ELA, LAB, ESK, STEILAS, EHNE eta HIRU sindikatuak.
Azkenik, Maiatzaren 1a, Langileen Nazioarteko Eguna bera, «langileen eskubideen defentsan, gazteok borrokara» gehitzeko dei egin du Ernaik.