Ikus-entzuleak euskerazko zinearekin gozatzera animatu nahi ditu Dobera Euskara Elkarteak, eta horrela sortu du Zinea euskaraz! egitasmoa.
Hiru ostegunetan segidan, pelikula bana jarriko du Biterin, doan; hala ere, gastuekin laguntzeko borondatea emateko aukera izango da.
Gaurkoa izango da hiru saiotean aurrenekoa, eta Ikusi arte (Hasta la vista) pelikula jarriko da, 17:00etan Biterin.
Umorea, sexua eta alkohola
Gaurko pelikulan 20 urteko hiru mutilen istorioa kontatzen du Geoffrey Enthoven zuzendariak. Hiru protegonistek bidaia bat antolatuko dute Espainiara, bodegaren batera, ardoa gustokoa dutela aitzakia hartuta.
Baina ardoa bezainbeste, edo gehiago gustatzen zaizkie emakumeak, eta bidaia egiteko benetako arrazoia izango da birjintasuna galtzea.
Gazte bakoitzak desgaitasun bana dauka; itsua da bat, besteak ez du inongo mugikortasunik eta hirugarrena gurpil-aulki batean mugitzen da. Horrela, umoretik joko diote istorioari.
Hurrengo saioa, ikus-entzuleen aukera
Hurrengo pelikula, gaur zortzi jarriko da, eta gaurko ikus-entzuleek aukeratuko dute.