«Kontsumo arduratsua denon ardura da»

Gaur dagoeneko ikusi dai­tez­ke alkoholaren kontsumo ar­du­ra­tsuaren inguruko kanpai­na­ren kartelak, institutuan, Gaz­te­le­ku­an, Kale Hezitzaileen loka­le­tan, edota mi­ni­puntuetan.
Atzo aurkeztu zuten kan­pai­na, Luis Intxauspe alkateak eta Xabier Lertxundi, zinegotzi eta Gizarte Zerbitzuetako le­hen­­da­kariak. «Kontsumo ar­du­­­ra­tsua denon ardura da», az­­­pi­marratu zuen alkateak, baina «gazte eta adingabeek ge­ro eta gehiago kontsu­mi­tzen dute», eta horregatik jarri dute fokoa haiengan. «Helbu­rua hernaniar guztien ongi­zatea bermatzea da, eta are gehiago gazteena».

Informazioa eta ekintza zuzenak, elkarlanean
Kanpaina hau Menpekotasun To­kiko Planaren barruan ko­ka­tzen dela argitu zuten. «Ho­rren barruan urteak dira pre­ben­tzio kanpainak egiten di­rela Gaz­te­lekuko hezi­tzai­le­en edo Kale Hezitzaileen bi­tar­tez, Guraso Eskoletan... Hau bes­te bat da».
Oraingoan, kartelak jar­tze­az gain, informazio txartelak ere banatuko dituzte, «kon­tsu­mo arduratsuaren aldeko sen­tsi­bilizazioa sustatzeko, eta ikusarazteko al­kohol kontsu­mo­ak norbe­ra­ren­­gan eta in­gu­rukoengan dauz­­kan era­gi­nak, bai orain eta baita etor­ki­zu­nean ere».
Horrekin batera, ekintza zu­zenak ere egiten direla azal­du zuen alkateak, Udal­tzain­go­arekin, Berriak el­kar­teko ostalariekin, Ertzain­tza­re­kin, eta supermerkatuekin. «Adin­ga­beek boteilloia egiten duten to­kiak identifikatu, eta al­ko­ho­la konfiskatzen zaie. Ho­rre­kin espedienteak ere irekitzen di­ra. Era berean, arreta jar­tzen da garraio publikoetako gel­tokietan, gazte asko etor­tzen baitira alkoholarekin. Eta adingabeei alkoholik ez sal­tze­ko kanpaina egiten da».
Txotx denboraldia buka­tze­ar dela abiatu dute kanpaina, garai horretan ekintzak «di­fuminatu egiten direlako».