Zaldua, euskalduntze berantiarrari argi egiten

Euskera eta historia ardatz har­tuta, Dobera Euskara El­kar­­­teak eta Hernani Erro­tze­nek antolatzen duten hiru­ga­rren hitzaldia izango da gaur­koa; Luis Mari Zaldua filologo eta onomastikariak emango du, 19:00etan Biterin, eta eus­kal­­duntze berantiarraz ariko da: Euskalduntze berantiarra, egia ala gezurra? Moderatzaile lanetan Eñaut Agirre ariko da.

Toponimietan ote, giltza?
Hitzaldia bost zatitan bana­tu­ko du Zalduak. Aurrena azal­du­ko du zer den euskalduntze be­rantiarraren teoria. Gero, teoria hau noiz, noren bidez eta zergatik sortu zen. Se­gi­dan, bestelako datuak emango ditu, gaia ulertzen laguntzeko. Jarraian, azalduko du teoria honek Iruña-Veleiako auzia­re­kin lukeen ba­liz­ko lotura. Eta bukatzeko, teoria honek bere Doktoretza Tesiarekin daukan loturaren berri emango du.
Zalduak  Urumeako Zilegi­men­dietako Toponimiari bu­ruz egin zuen Doktoretza Te­sia, eta hain zuzen, «topo­ni­mia euskeraren historia az­ter­tzeko erabiltzen» dela dio. Gaurko hitzaldiaren aurkez­pe­ne­an azal­du zuen moduan, «ba­da­u­de toponimo batzuk be­reziki interesanteak di­re­nak, eta euskeraren histo­ria iker­tzeko to­po­ni­mo eman­ko­rre­nak, abe­ratsenak eta one­nak dira euskal jatorria ez du­tenak».
Horien artean, bitxikeriak ere aurkitu daitezke; gaur­ko­an, Hernani izenaren ingu­ru­an sorpresa bat emango du.