Udalak atal berria jarri du martxan www.goizueta.eus webgunean, herrian alokatzeko edo saltzeko dauden etxebizitza eta lokalen inguruko informazioarekin.
Atal berri hau sortu da Etxebizitza Batzordeak egindako etxebizitza beharrei eta eskaerei buruzko inkestaren emaitzatik. Udalak jakinarazi du, helburua dela «etxebizitza edota lokala alokatu edota saldu nahi dutenen eta erosi edota alokatu nahi dutenen arteko zubi lana egitea». Horregatik, edonork egin dezake eskaintza etxebizitzabatzordea@gmail.com helbidera idatzita.
Kultura, «harremanak bultzatzeko»
Bestalde, Udalak webgunean ikusgai jarri ditu herriko kultur eskaintzaren inguruko inkestaren emaitzak. «Harremanak bultzatzeko» baliagarriak direla ondorioztatu da, besteak beste.