Aurrekontuetan parte hartzeko aukera, irekita

Talde eragilea martxan jarri da, eta dagoeneko, ireki da epea 2018 udal aurre­kon­tue­ta­ko 500.000 euro zertan inber­ti­tu pro­posatzeko. Aurten, gai­ne­ra, hainbat berrikuntza pro­po­satu di­tu talde eragileak: parte har­tze­ko ez da adin mu­garik izan­go, bo­toa ema­te­ko pos­tontzi ge­hia­go jarriko dira, egin­dako pro­posamenak lehe­ne­tsiko dira ba­lorazio tek­ni­koak egin au­rre­tik eta obra eta man­tenu la­nekin lotutako pro­posamenak ba­teratu egingo dira.

Proposamenak egiteko, maiatzaren 14ra arte
Dagoeneko etxeetan banatu dira proposamenak egiteko eskuorriak, eta horiek uzteko postontziak jarri dira ohiko lekuetan: Biterin, udaletxe­an, kirolde­gi­an, Goiz Eguz­kin, Insti­tu­tu­an, Udal Eus­kal­tegian, Plaza Fe­ministan, Be­terrin, San­dius­terrin, eta au­zoe­tan; aur­­ten, baita An­tzi­olan ere. Era be­rean, Gaz­te­txean ere jarri da postontzia. Bestalde, ohi bezala internet bidez ere egin daitezke pro­po­sa­menak, erabaki.herna­ni.eus webgunean.
Edizio honetan edo­zein adinetako herritarrek hartu ahal izango dute parte, eta nahi adina proposamen egin ahal izango dira. Eskatzen den gauza bakarra da, propo­sa­mena egiten duenarekin ha­rremanetan jartzeko bidea erraztea, zalantzarik sortuz gero, galdetu ahal izateko.

Aurreneko bilera, bihar
Proposamenak egiteko beste bide bat, auzoz auzo egiten diren bilerak dira, eta bihar egingo da aurrenekoa, Ziku­ña­gan. Maiatzaren 12ra arte egingo dira gainontzekoak, eta 18an, denak aurkeztuko dira, udaletxean. 

Talde eragilean, 6 lagun
Prozesua diseinatu eta jarrai­pe­na egiteko, aurten ere tal­de eragilea sortu da, eta pro­ze­sua dinamizatzen duen Az­ti­ker enpresako tekni­ka­ria­ren a­rabera, urtero be­rri­tzen da, ahalik eta herritar ge­hienen ikuspegia biltzeko; gainera, irekia da. Aurten, Sor­gin­txu­lo eta La­tsun­beberri au­zoe­tako or­dez­kari bana, Ttapa Ttapa eta Es­kubaloi Taldeetako ba­na eta 4 herritar bildu dira.

PROPOSAMENAK EGITEKO EGUTEGIA

APIRILAK 26: Zikuñagan, 20:00etan.
APIRILAK 27: Sorgintxulon, 19:00etan.
APIRILAK 28: Udaletxean, 19:00etan.
MAIATZAK 3: Florida-Etxeberrin, 19:00etan.
MAIATZAK 4: Lizeagan, 19:00etan.
MAIATZAK 8: Portun, 19:00etan.
MAIATZAK 10: Karabelen, 19:00etan.
MAIATZAK 11: Antziolan (Haur Eskolan), 19:00etan.
MAIATZAK 12: Latsunbeberrin, 19:00etan.